EIN STERK
VEITINGARKETA

Allir vegir føra til móðir

Samtakið er sett saman av móðurfelag og dóttirfeløgunum FT Samskifti, NET, Shefa og Televarpinum. Hetta gevur okkum eina sterka veitingarketu, har ið liðini hvør sær geva íkast til, at vit veita fjarskifti í víðari merking og hava sum aðalmál at knýta Føroyar í eina betri framtíð.

Móðurfelagið er savnandi liðið við stjórn og starvslið innan fíggjar- og starvsfólkaøkið. Móðurfelagið breiðir veingir um og bindur samtakið saman soleiðis, at greiðar synergieffektir millum feløg og deildir leggja sjálvsagdan gróðrarbotn undir framburð.

Har, ið hjartað slær

FT Samskifti er kundavenda drívmegin í samtakinum. Umframt kundafrontin eigur og rekur felagið egið farnet, sum dekkar nærum 100% av landafrøðiliga økinum í Føroyum. Fremsta málið er at veita einfalt fjarskifti, og sjálvsagda uppgávan er at seta kundan í miðdepilin.

Tað, ið bindur okkum saman

NET eigur og rekur alt undirstøðukervið og tryggjar, at føroyingar fáa ómaksleyst samskifti. Sjálvsagda uppgávan hjá NET er at røkja og menna undirstøðukervið og veita fjarskiftistænastur til allar veitarar undir javnbjóðis treytum.

Ljós á havsins botni

Shefa hevur megnað at vent tungum rakstri til positivan rakstur eftir bert fáum árum. Shefa knýtir Føroyar saman við umheimin, og undirsjóvarkaðlarnir hava lagt grundarlag fyri øktum flutningi til eitt nú frálandavinnu.

Kelda til undirhald

Televarpið bjóðar sjónvarp og veitir kundum eina heildaruppliving. Umframt at bjóða hópin av útlendskum rásum framleiðir Televarpið egið sjónvarpstilfar, sum tekur dik á seg.