Fyrsta tíðin

Fyrsta tíðin hevur sera stóran týdning. Her kemur tú at møta tínum nýggju starvsfeløgum og seta teg inn í nýggju arbeiðsuppgávurnar. Fyri at hendan tíðin verður so góð sum møguligt, verður tíðin skipað so væl gjørligt. 

Fyrsti arbeiðsdagur 

Dagurin er oftast skipaður soleiðis: 

• Tú møtir til morgunmat saman við deildini  kl. 9:00, um ikki annað er avtalað 
• Um mynd ikki longu er tikin, verður starvsfólkamynd tikin á degnum (G.G. gott er um man ikki bert er í eini hvítari blusu/skjúrtu til myndatøkuna) 
• Kunning kemur á Vaglið (okkara intranet) um tína starvsbyrjan 
• Víst verður á tíni arbeiðsamboð og arbeiðsplássið hjá tær 
• Teldan verður sett upp og farið verður í Telebúðina at velja arbeiðstelefon 
• Rundtúr á Føroya Tele 

14 dagar eftir starvsbyrjan 

Umleið 14 dagar eftir starvsbyrjan verður tú boðin til “Vælkomin á Føroya Tele” við Starvsfólkadeildini. Endamálið við prátinum er at geva tær eina yvirskipaða mynd av samtakinum og innlit í eitt nú virkisbygnað, starvsfólkahóp, virðini, Vaglið og skráseting.    

Eftir starvsbyrjan 

Øll nýggj starvsfólk hava  3 mánaðar royndartíð. Fyri at tryggja at tú kemur væl inn í starvið, verða tríggjar samrøður hildnar í royndartíðini: 

• við starvsbyrjan 
• 4-6 vikur inn í starvið 
• 3-mánaðarssamrøða 

Endamálið við samrøðunum er, at tú og tín leiðari kunnu avstemma ábyrgdarøkir, uppgávur, samskifti og sum heild samskipa starvsbyrjanina eftir einum felagsleisti. 

“Hvat er Føroya Tele?” 

Árliga skipar Starvsfólkadeildin fyri tiltakinum “Hvat er Føroya Tele?”. Øll nýggj starvsfólk, ið eru sett í starv seinasta árið, fáa innbjóðing til dagin. Endamálið við tiltakinum er at geva nýggjum starvsfólkum møguleika at heilsa uppá hvønn annan og verða saman ein heilan dag, har tey fáa innleiðslu og innlit í kjarnuvirksemið og søguna, hagtøl, verkætlanir, produktir, virðisgrundarlag og visiónir hjá samtakinum.